Иштирок дар Ҷаласаи ғайрирасмии вазирони корҳои хориҷии кишварҳои узви Созмони ҳамкории иқтисодӣ

27 сентябри соли 2024 дар Ню-Йорк дар ҳошияи иҷлоси 79-уми Маҷмаи Умумии Созмони Милали Муттаҳид вазири корҳои хориҷии Ҷумҳурии Тоҷикистон Сироҷиддин Муҳриддин дар Ҷаласаи ғайрирасмии вазирони корҳои хориҷии кишварҳои узви Созмони ҳамкории иқтисодӣ (СҲИ) ширкат намуд.

Сироҷиддин Муҳриддин зимни суханронии худ бо тамаркуз ба имкониятҳои кишварҳои узви СҲИ, изҳор дошт, ки Тоҷикистон ба фаъолияти муассири Созмон ҷиҳати бунёди низоми боэътимоди нақлиётию коммуникатсионӣ, соддагардонии расмиёти соҳаи тиҷорат, истифодаи самараноки захираҳои меҳнатию табиӣ, ташкили низоми ягонаи энергетикӣ ва фароҳам овардани шароити мусоид барои ҷалби сармоягузорӣ дар таркиби созмон манфиатдор мебошад.

Ҳамзамон вазири корҳои хориҷӣ доир ба рушди саноати Тоҷикистон, имкониятҳои энергияи барқароршаванда, пешвоии кишвар дар мусоидат ба ҳалли масъалаҳои тағйирёбии иқлим сухан гуфта, ба зарурати талошҳои дастаҷамъона баҳри ҳалли мушкилоти муосир, таҳкими робитаҳои иқтисодӣ ва мусоидат ба рушди устувор дар минтақаи СҲИ махсусан тазаккур кард.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan