Мулоқоти вазири корҳои хориҷӣ бо котиби давлатии Вазорати федеролӣ оид ба ҳамкории иқтисодӣ ва рушди Олмон
24 сентябри соли 2025 дар ҳошияи иҷлоси 80-уми Маҷмаи Умумии Созмони Милали Муттаҳид дар шаҳри Ню-Йорк мулоқоти вазири корҳои хориҷии Ҷумҳурии Тоҷикистон Сироҷиддин Муҳриддин бо Котиби давлатии вазорати федеролӣ оид ба ҳамкории иқтисодӣ ва рушди Олмон Нилс Аннен доир шуд.
Зимни мулоқот масоили ҳамкории дуҷониба мавриди баррасӣ қарор гирифт. Ҷонибҳо инчунин ба зарурати идомаи муколамаи созанда ва густариши робитаҳои дӯстона таъкид намуданд.
Итминон изҳор карда шуд, ки ҳамкориҳои минбаъда ба таҳкими муносибатҳои дуҷониба ва рушди устувор мусоидат хоҳанд кард.
Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:
Мо дар Фейсбук: www.facebook.com/mfa.tj
Мо дар Твиттер (русӣ): www.twitter.com/MID_Tajikistan
Мо дар Телеграм: t.me/mfa_tj
Мо дар Инстаграм: instagram.com/mfa_tjk
Мо дар Твиттер (англисӣ): twitter.com/MOFA_Tajikistan
