Муносибатҳои Тоҷикистон бо Шветсия

01.03.2013 10:10

Муносибатҳои дипломатӣ байни Ҷумҳурии Тоҷикистон ва Шоҳигарии Шветсия 9 декабри соли 1992 барқарор шудаанд.

Сафири фавқулъода ва мухтори Шоҳигарии Шветсия дар Ҷумҳурии Тоҷикистон хонум Ингрид Терсман (аз моҳи феврали соли 2013) бо қароргоҳаш дар шаҳри Стокголм мебошад.

Ҳамкории байни ду кишвар дар соҳаи гуманитарӣ назаррас аст. Ба таври мисол метавон ба ин лоиҳаҳо ишора кард: лоиҳаҳо барои дастгирии инкишофи ҷомеаи шаҳрвандӣ дар Ҷумҳурии Тоҷикистон; лоиҳаҳо барои эҷод намудани имкониятҳои худтаъминнамоии аҳолӣ; лоиҳаҳо барои инкишофи сектори кишоварзӣ ва пеш аз ҳама барои амалӣ гардонидани стратегияи миллии паст намудани сатҳи камбизоатӣ.

Ҳукумати Шветсия дар якҷоягӣ бо дигар ташкилотҳои байналхалқӣ дар коркард ва молиявикунонии микролоиҳаҳо ва барномаҳо дар соҳаи хоҷагии қишлоқ, дар соҳаҳои иҷтимоӣ, маориф ва тандурустӣ, инчунин дар ташкил додани сохторҳои ҷамъиятии демократӣ иштирок кард.

Аз соли 2002 инҷониб Ҳукумати Шветсия ба ҷараёнҳои марбут ба демократикунонии ҷомеа ва баамалбарории ислоҳоти иқтисодӣ таваҷҷӯҳи бештар медиҳад. Моҳи ноябри соли 2002 вазири масъалаҳои муҳоҷират ва ҳамкории байналхалқии Шветсия ҷаноби Ян У. Карлсон ба ҷумҳурӣ ташриф овард.

Соли 1997 аз ҷониби Шветсия ба Ҷумҳурии Тоҷикистон кӯмаки башардӯстона дар ҳаҷми 174 тонн маҳсулоти озӯқаворӣ ва доруворӣ ба маблағи 68 млн.крони шведӣ ҷудо карда шуд.

Соли 2003 дар ш.Душанбе Идораи раёсати шведии ҳамкориҳои байналмилалӣ дар соҳаи рушд (SIDA) кушода шуд ва соли 2010 намояндагии мазкур фаъолияташро ба анҷом расонид.

Пояи қарордодиву ҳамкорӣ байни Тоҷикистон ва Шветсия дар ҳоли густариш аст ва айни ҳол 2 санадро ташкил медиҳад.

Аввалин амалиётҳои содирот -воридотӣ дар соли 2001 амалӣ гардонида шуданд, ки нишонгари барқарор шудани муносибатҳои муайян дар соҳаи савдоӣ-иқтисодӣ буд. Аз он давра инҷониб тамоюли рушд ёфтани амалиётҳои содиротӣ-воридотӣ мушоҳида мешавад.

Тибқи маълумоти Кумитаи омори ҶТ ҳаҷми умумии гардиши молу колои ду кишвар чунинанд:

ҳаҷми умумии маблағ дар соли 2016 – 1170,6 ҳаз. доллари ИМА (воридот- 1084,5 ҳаз. доллари ШМА, содирот - 86,1 ҳаз. доллари ШМА);

Ҳаҷми умумии гардиши савдо дар 9 моҳи соли 2017 (январ-сентябр) – 2774,1 ҳазор доллари ИМА (воридот –  2547,1 ҳазор доллари ИМА, содирот - 227 ҳаз. доллари ШМА)-ро ташкил дод.

Бахшҳои асосии содирот: нахи пахта, газвори ресмонӣ.

Бахшҳои асосии воридот: молҳои истеъмоли халқ ва қисмҳои эҳтиётӣ.

01.11.2017

Нигористон

Тақвим