Муносибатҳои Тоҷикистон бо Ҳиндустон

11.06.2020 10:10

Муносибатҳои дипломатии Ҷумҳурии Тоҷикистон бо Ҷумҳурии Ҳиндустон 28 августи 1992 барқарор шуд.

Сафири Фавқулода ва Мухтори Ҷумҳурии Тоҷикистон дар Ҷумҳурии Ҳиндустон: Раҳимзода Султон Нурмаҳмадпур, аз моҳи майи 2019.

Сафири Фавқулода ва Мухтори Ҷумҳурии Ҳиндустон дар Ҷумҳурии Тоҷикистон: Вираҷ Синх, аз моҳи июли 2019.

Соли 1994 Сафорати Ҷумҳурии Ҳиндустон дар Душанбе боз гардида, фаъолияташро оғоз намуд.

Соли 2003 Сафорати Ҷумҳурии Тоҷикистон дар Деҳлӣ ба фаъолият шурӯъ намуд. 

Ҳамкориҳои дуҷонибаи Ҷумҳурии Тоҷикистон бо Ҷумҳурии Ҳиндустон бо кӯшишҳои тарафайн рушд меёбанд. Давоми 27 соли муносибатҳо сафарҳои давлатӣ, расмӣ ва кории Президенти Ҷумҳурии Тоҷикистон ба Ҷумҳурии Ҳиндустон (солҳои 1993, 1995, 2001, 2006, 2012 ва 2016) сурат гирифтаанд.

Президенти Ҷумҳурии Ҳиндустон бо сафарҳои расмӣ ва корӣ (6-8 сентябри 2009 ва 7-9 октябри 2018) ба Тоҷикистон ташриф овардааст.

Сарвазири Ҷумҳурии Ҳиндустон бо сафарҳои расмӣ ва корӣ (солҳои 2003 ва  2015) ба Тоҷикистон ташриф овардааст.

Вазири корҳои хориҷии Ҷумҳурии Тоҷикистон бо сафари расмӣ 12-14 майи 2015 ба Деҳлӣ сафари расмӣ анҷом додааст.

Вазири корҳои хориҷии Ҷумҳурии Ҳиндустон бо сафари корӣ 11-12 сентябри 2014, 11-12 октябри 2018 ва 14-15 июни 2019 ба Душанбе ташриф овардааст.

То ба имрӯз чор даври машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Ҳиндустон дар Душанбе ва Деҳлӣ баргузор гардидаанд.

Пояи қарордодӣ-ҳуқуқии муносибатҳои дуҷонибаро зиёда аз 70 адад созишномаю ёддоштҳои тафоҳуми байниҳукуматӣ ва соҳавӣ ташкил медиҳад.

Байни ду кишвар Комиссияи байниҳукуматӣ оид ба ҳамкориҳои тиҷоратӣ, иқтисодӣ, илмӣ ва техникӣ фаъолият дорад, ки яке аз механизмҳои асосии рушди ҳамкориҳои дуҷонибаи иқтисодӣ ба ҳисоб меравад. Қобили зикр аст, ки то ба  имрӯз даҳ ҷаласаи Комиссияи мазкур баргузор гардидааст. 28-29 январи 2019 ҷаласаи даҳуми Комиссия дар Душанбе доир шуд.  

7 июни 2019 дар Душанбе даври якуми машваратҳои консулӣ байни Ҷумҳурии Тоҷикистон ва Ҷумҳурии Ҳиндустон сурат гирифт.

Байни ду кишвар Комиссияи муштараки байниҳукуматӣ оид ба ҳамкориҳои тиҷоратӣ, иқтисодӣ, илмӣ ва техникӣ фаъолият дорад, ки яке аз механизмҳои асосии рушди ҳамкориҳои дуҷонибаи иқтисодӣ ба ҳисоб меравад. Қобили зикр аст, ки то ба  имрӯз 11 ҷаласаи Комиссияи мазкур баргузор гардидааст. 24-25 феврали 2020 ҷаласаи ёздаҳуми Комиссия дар Деҳлӣ доир шуд.  

Пояи қарордодӣ-ҳуқуқии муносибатҳои дуҷонибаро зиёда аз 70 адад созишномаю ёддоштҳои тафоҳуми байниҳукуматӣ ва соҳавӣ ташкил медиҳанд.

Дар соли 2019 гардиши мол байни ду кишвар ба 24 млн. 262 ҳазор доллари ИМА расидааст.

 

11.06.2020

Нигористон

Тақвим