Дидори Муовинии якуми вазири корҳои хориҷии Тоҷикистон бо роҳбари ҳайати Сурия
16 майи 2019 дар Душанбе дар остонаи Конфронси байналмилалии сатҳи баланд “Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводди мухаддир ва ҷинояткории муташаккил” Муовини якуми вазири корҳои хориҷии Ҷумҳурии Тоҷикистон Хусрав Нозирӣ роҳбари ҳайати Ҷумҳурии Арабии Сурия, Cафири Фавқулода ва Мухтори он кишвар дар Теҳрон Аднон Маҳмудро ба ҳузур пазируфт.
Дар он мулоқот масъалаҳои муносибатҳои дуҷониба дар соҳаҳои гуногун ва мавзӯъҳои дигари мавриди эҳтимоми муштарак баррасӣ гардиданд.
Роҳбари ҳайати Сурия бо ишора ба сатҳи баланди баргузории Конфронси Душанбе ба нақши барозандаи Пешвои миллат, Президенти Ҷумҳурии Тоҷикистон Эмомалӣ Раҳмон дар муборизаи байналмилалӣ бо терроризм таъкид намуд.
