Мулоқот бо Сафири Германия
05.08.2019 08:18
2 августи соли 2019 Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулодда ва Мухтори Ҷумҳурии Федеративии Германия дар Ҷумҳурии Тоҷикистон Найтҳарт Хёфер-Виссингро бинобар ба анҷом расидани мӯҳлати фаъолияти дипломатиаш ба ҳузур пазируфт.
Зимни вохӯрӣ ҷонибҳо масъалаҳои таҳким ва густариши ҳамкориҳои самаранок ва мутақобилан судмандро мавриди баррасӣ қарор доданд.
Дар фарҷоми мулоқот Вазир ба Сафири Германия барои саҳмаш дар рушди ҳамкориҳои дуҷониба изҳори миннатдорӣ намуда, дар фаъолияти минбаъдааш муваффақият таманно кард.
