Тоҷикистон аз нигоҳи аксбардори аврупоӣ
2 ноябри 2019 дар Боку, бо ибтикори намояндагии Иттиҳоди Аврупо ва бо дастгирии Вазорати фарҳанги Озарбойҷон 2-юмин Ҷашнвораи мероси фарҳангӣ “FANTAZIA” баргузор гардид. Чорабинии мазкур дар шаҳрҳои Боку, Ганҷа ва Габала то рӯзи 15 ноябри соли 2019 идома хоҳад дошт. Дар ин чорабинӣ чанде аз кишварҳои Аврупо, Амрико ва ҳамчунин Тоҷикистон иштирок менамояд, ки ҳадаф аз он муаррифии фарҳангҳои гуногун ва фароҳам овардани замина ба муколамаи байнифарҳангӣ мебошад.
Дар доираи Ҷашнвораи мазкур аксҳои мавзеъҳои фарҳангӣ, таърихӣ ва сайёҳии Тоҷикистон низ ба намоиш гузошта шуданд.
Дар ҳамоиш аҳли санъату фарҳанги Озарбойҷон, намояндагони корпуси дипломатӣ, созмонҳои байналмилалии муқими Озарбойҷон, коршиносони байналмилалӣ, расонаҳои кишвари иқомат, инчунин тоҷикони муқими Озарбойҷон иштирок намуданд.
