Мулоқоти Вазири корҳои хориҷӣ бо Сафири Япония

01.02.2020 11:49

1 феврали 2020 Вазири корҳои хориҷӣ Сироҷиддин Муҳриддин Сафири Фавқулода ва Мухтори Япония дар Ҷумҳурии Тоҷикистон Такаюкӣ Мияшитаро ба ҳузур пазируфт. Дар мулоқот масъалаҳои муносибатҳои дуҷонибаи Тоҷикистон ва Япония дар заминаҳои гуногун баррасӣ шуда, дар бораи мавзӯъҳои дигари мавриди эҳтимоми муштарак табодули назар сурат гирифт.

Дар анҷоми мулоқот маросими мубодилаи ёддошт байни Ҳукумати Ҷумҳурии Тоҷикистон ва Ҳукумати Япония роҷеъ ба лоиҳаи «Беҳтар намудани таҷҳизоти тиббӣ дар муассисаҳои давлатии Маркази миллии тиббии “Шифобахш” ва Маркази ҷумҳуриявии илмии ҷарроҳии дилу рагҳо» баргузор гардид.

Ёддоштҳои табодулиро Вазири корҳои хориҷии Ҷумҳурии Тоҷикистон  Сироҷиддин Муҳриддин ва Сафири Фавқулода ва Мухтори Япония дар Ҷумҳурии Тоҷикистон Такаюкӣ Мияшита имзо намуданд.

PS7A1007-01-02-2020-1147.jpg

 

Нигористон

Тақвим