Мулоқоти Сафири Тоҷикистон бо Сафири Юнон
28.09.2021 19:07
27 сентябри соли 2021 Сафири Ҷумҳурии Тоҷикистон дар Федератсияи Россия Давлатшоҳ Гулмаҳмадзода бо Сафири Ҷумҳурии Юнон дар Ҷумҳурии Тоҷикистон бо иқомат дар Москва хонум Екатерини Нассика мулоқот кард.
Дар рафти сӯҳбат ҷонибҳо дурнамои муносибатҳоро миёни ду кишвар дар соҳаҳои гуногуни мавриди таваҷҷуҳ, аз ҷумла таҳкими ҳамкориҳо дар бахшҳои иқтисоду савдо ва сайёҳӣ баррасӣ намуданд.
Миёни ҳамсуҳбатон роҷеъ ба масъалаҳои муҳими рӯзномаи байналмилалӣ табодули афкор сурат гирифт.
Дар фарҷоми мулоқот, Д. Гулмаҳмадзода ва Е. Нассика омодагиро ҷиҳати мусоидат ба рушди минбаъдаи ҳамкориҳои ҳамаҷониба миёни Тоҷикистон ва Юнон иброз намуданд.
