Мулоқоти Вазири корҳои хориҷӣ бо Президенти Шӯрои иҷроияи ЮНЕСКО
10.11.2021 09:55
10 ноябри соли 2021 дар шаҳри Париж дар чаҳорчӯби иҷлоси 41-уми Конфронси генералии Созмони Милали Муттаҳид оид ба масъалаҳои маориф, илм ва фарҳанг (ЮНЕСКО) вохӯрии Вазири корҳои хориҷии Ҷумҳурии Тоҷикистон, Раиси Комиссияи миллии Ҷумҳурии Тоҷикистон оид ба корҳои ЮНЕСКО Сироҷиддин Муҳриддин бо Президенти Шӯрои иҷроияи ЮНЕСКО Агапито Мба Мокуй анҷом ёфт.
Дар рафти мулоқот мавзӯъҳои мубрами ҳамкории Тоҷикистону ЮНЕСКО, роҳҳои нави густариши муносибатҳо ва дигар масъалаҳои рӯзномаи минтақавӣ ва ҷаҳонӣ баррасӣ гардиданд.
С.Муҳриддин ба роҳбари Шӯрои иҷроия барои мусоидат дар баргузории чорабинии бошукӯҳи Рӯзи фарҳанги Тоҷикистон дар ЮНЕСКО (14 октябри соли 2021) изҳори сипос намуд.
