Вохӯрӣ бо муовини якуми Вазири корҳои дохилии Арабистони Саудӣ
07.05.2025 08:14
7 майи 2025 дар Риёз сафири Ҷумҳурии Тоҷикистон дар Подшоҳии Арабистони Саудӣ Акрам Каримӣ бо муовини якуми вазири корҳои дохилии Подшоҳии Арабистони Саудӣ д-р Носир ибни Абдулазиз Ад-Довуд вохӯрӣ анҷом дод.
Дар мулоқот масъалаҳои ҳамкориҳои ду кишвар дар самти таъмини амнияту субот, мубориза бо ҷиноятҳои муташаккили фаромиллӣ ва чолишҳои замони муосир дар доираи созишномаҳои дуҷониба ва бисёрҷониба баррасӣ шуданд.
