Курсҳои такмили ихтисос дар Донишкадаи дипломатии Арабистони Саудӣ

11 майи соли 2025 дар Донишкадаи омӯзишҳои дипломатии ба номи шоҳзода Сауд Ал-Файсали назди Вазорати корҳои хориҷии Подшоҳии Арабистони Саудӣ курсҳои такмили ихтисос барои кормандони ҷавони хизмати дипломатии Ҷумҳурии Тоҷикистон оғоз гардид.

Барномаи мазкур дар доираи ҳамкорӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷии Подшоҳии Арабистони Саудӣ роҳандозӣ мешавад.