Вохӯрӣ бо раиси Бонки содироту воридоти Арабистони Саудӣ

12 майи 2025 дар шаҳри Риёз мулоқоти сафири Ҷумҳурии Тоҷикистон дар Подшоҳии Арабистони Саудӣ Акрам Каримӣ бо раиси Бонки содироту воридоти Арабистони Саудӣ (SAUDI EXIM BANK) Саъд Ал-Халб баргузор гардид.

Дар мулоқот масъалаҳои рушди ҳамкориҳои тиҷоратӣ, иқтисодӣ, сармоягузорӣ ва инчунин, роҳҳои афзоиши ҳаҷми гардиши савдо байни Тоҷикистон ва Арабистони Саудӣ баррасӣ шуданд.