Ташрифи Сафири Тоҷикистон А. Раҳмонзода ба мактаби тоҷикии ноҳияи Бустонлики вилояти Тошканд

01.10.2022 17:50

Рӯзи 1 октябри соли 2022 Сафири Фавқулода ва Мухтори Ҷумҳурии Тоҷикистон Абдуҷаббор Раҳмонзода аз мактаби таҳсилоти умумии рақами 42 маҳаллаи Боғистони ноҳияи Бӯстонлики вилояти Тошканд боздид намуд.

А. Раҳмонзода нахуст аз бинои мактаб дидан намуда, бо синфхонаҳои информатика, забон адабиёт ва китобхонаи мактаб шинос шуданд.

Сипас, дар саҳнаи мактаб мулоқоти Сафир бо иштироки фаъолони ноҳияи Бӯстонлик, омӯзгорон, толибилмон ва гурӯҳе аз падару модарон доир гардид.

А. Раҳмонзода ҳозиринро бо рӯзи омӯзгорон самимона табрик намуда, оид ба дӯстиву рафоқат миёни тоҷикон ва ӯзбекон суханронӣ намуда, изҳор дошт, ки тавсеа ва густариши ҳамкории судманди ду кишвари дӯст, аз иродаи қавии сиёсӣ ва муносибатҳои наздику бародаронаи Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев сарчашма мегирад. Ҳамчунин қайд карда шуд, ки бо ташаббуси сарварони ду давлати ҳамҷавор дӯстиву рафоқат байни Тоҷикистон ва Ӯзбекистон беш аз пеш мустаҳкам гардида, ҳамкориҳои миёни ду кишвар дар тамоми соҳаҳо тавсеа меёбанд.

20221001-124702.jpg

Нигористон

Тақвим

  • business-portal_thumb.jpg