Нахустин таҷлили Рӯзи ҷаҳонии футбол дар СММ

22 майи соли 2024 дар қароргоҳи СММ кишварҳои узв нахустин бор Рӯзи ҷаҳонии Футболро таҷлил намуданд, ки он бо ташаббуси Президенти Ассотсиатсияи футболи Осиёи Марказӣ (CAFA) муҳтарам Рустам Эмомалӣ тавассути қатъномаи Маҷмаи Умумии СММ №A/RES/78/281 қабул гардида буд. Ин маъракаи таърихӣ бо ибтикори ҳаммуалифони асосии қатънома – намояндагиҳои доимии Тоҷикистон, Баҳрайн ва Ливия ташкил карда шуд.

Ҳамоиши мазкурро намояндаи доимии Тоҷикистон дар СММ Ҷонибек Ҳикмат ифтитоҳ намуд.

Ҷ. Ҳикмат аз кишварҳои узви СММ ҷиҳати истифодаи қудрати футбол барои муттаҳидшавӣ, ҳавасмангардонии дубора, аҳаммияти сармоягузорӣ ба зарфият ва инфрасохтори ин варзиш, мусоидат барои таъмини дастрасии васеъ, дастгирии мураббиёни соҳа, ба вежа омода кардани ситораҳои оянда даъват ба амал овард.

Пас аз анҷоми қисми расмии ин чорабинӣ, дар қароргоҳи СММ мусобиқаи футболи хурд бо иштироки чаҳор гурӯҳ, аз ҷумла Осиё, Амрикои Лотинӣ, Аврупо ва Африқо ташкил карда шуд. Маросими кушодашавии чорабинии варзиширо Президенти МУСММ Деннис Франсис ҳусни оғоз бахшид.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan