Фестивали хӯрокҳои миллӣ
22.09.2019 09:29
21 сентябри соли 2019 дар Боғи ботаникии шаҳри Тошканд Фестивали анъанавии таомҳои миллии намояндагиҳои дипломатӣ ва ташкилотҳои байналмилалӣ, ки дар Ҷумҳурии Ӯзбекистон сабти ном шудаанд, баргузор гардид.
Дар Фестевали мазкур Сафорати Ҷумҳурии Тоҷикистон дар Ҷумҳурии Ӯзбекистон иштирок намуда, гӯшаи худро бо гулдузиҳои сузанӣ, дастархони миллӣ ва бо лавҳаҳои манзараҳои зебои сайёҳии Тоҷикистон ороста таомҳои миллии худро барои меҳмонон ва иштирокдорон бо барномаҳои фарҳангӣ пешкаш намуд.
Илова ба ин, маводҳои таблиғоти вобаста ба имкониятҳои сайёҳӣ дар қаламрави Ҷумҳурии Тоҷикистон, ки аз ҷониби Кумитаи рушди сайёҳи назди Ҳукумати Ҷумҳурии Тоҷикистон ирсол гашта буд, ба меҳмонон ва иштирокдорони фестевал пешкаш карда шуд.
