Қайди консулӣ

Қайди консулӣ чист?

Қайди консулӣ – шаҳрванди Ҷумҳурии Тоҷикистон бо хоҳиши худ ба Сафорати Ҷумҳурии Тоҷикистон маълумот дар бораи ҷойи истиқомати муваққатӣ/доимӣ, ҷойи кор/таҳсил ва дигар маълумоти тамосии худро пешниҳод менамояд. Маълумоти мазкур метавонад дар ҳолатҳои зарурӣ (масъалан: қатъ гардидани алоқа бо хешовандон ва наздикон)  ба хешовандони/наздикони ӯ барои барқарор намудани алоқа/тамос кумак намояд.  

Ба шаҳрвандони Ҷумҳурии Тоҷикистон, ки мувақаттан ва ё ба таври доимӣ дар қаламрави Австрия, Маҷористон, Норвегия, Руминия ва Словакия кору зиндагӣ ва ё таҳсил мекунанд, тавсия дода мешавад, ки худро дар Бахши консулии Сафорати Тоҷикистон дар Австрия ба қайд гиранд.

Барои ба қайди консулӣ гирифтан шаҳрванди Ҷумҳурии Тоҷикистон ҳуҷҷатҳои зеринро пешниҳод менамояд:

1. Ариза ба номи Сафорат;
2. Нусхаи ҳуҷҷатҳои тасдиқуқнандаи шахсият (шиносномаи умумишаҳрвандии дохилӣ, шиносномаи хориҷӣ);
3. Нусхаи шаҳодатномаи таваллуд;
4. Маълумотнома оид ба ҷойи истиқомат дар кишвари маҳалли будубош;
5. Маълумотнома аз ҷойи кор/таҳсил;

Ҳуҷҷатҳои болозикр ба Сафорати Ҷумҳурии Тоҷикистон дар Австрия пешниҳод карда мешаванд.  

Барои гирифтани маълумоти иловагӣ дар бораи қайди консулӣ, лутфан бо Бахши консулии Сафорат тамос гиред.

Рӯз ва соатҳои корӣ: рӯзҳои душанбе то ҷумъа аз соати 09:00 то 12:00 ва аз 14:00 то 17:00.

Телефон: + 43 (0) 1 4098266

Почтаи электронӣ: consular@tajikembassy.at