Ҷашни 31-умин солгарди Истиқлолияти давлатии Ҷумҳурии Тоҷикистон дар шаҳри Фиаделфиаи штати Пенсилвания

11 сентябри соли 2022 ба ифтихори 31-умин солгарди Истиқлолияти давлатии Ҷумҳурии Тоҷикистон дар шаҳри Фиаделфиаи штати Пенсилвания чорабинии тантанавӣ баргузор гардид. Дар чорабинии мазкур фаъолони ҷамъиятҳои тоҷикон дар ШМА, донишҷӯён ва муҳоҷирони меҳнатӣ - иштирок доштанд.

Чорабинии мазкур бо суруди милии Ҷумҳурии Тоҷикистон оғоз гардид. Дар чорабинии мазкур Консули Сафорат Латифзода Навруз, инчунин фаъолони ҷамъиятҳои тоҷиконии ШМА Мукаррама Қаюмова, Салимджон Насриддинов ва дигарон суханронӣ намуда, ҳозиринро ба 31-умин солгарди Истиқлолияти давлатии Ҷумҳурии Тоҷикистон табрику муборакбод намуданд.

Зимни суханронӣ аз дастовардҳои кишвар дар даврони Истиқлолият ва саҳми назарраси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар давлатдории муосири миллӣ, таъмини сулҳу субот ва баланд бардоштани нуфузу эътибори Тоҷикистон дар арсаи байналмилалӣ, дарки Истиқлолияти давлатӣ ва эҳтироми он таъкид намуданд.

Чорабинии мазкур дар фазои дӯстона ва самимӣ баргузор гардид.